Co proxecto ¨Escola en Cores¨ preténdese potenciar a creatividade dos nenos e nenas a través da serigrafía. A capacidade creativa é un factor indispensable da – xa recoñecida- Intelixencia Emocional; que axuda aos individuos a desenvolverse con éxito nas distintas actividades cotiás e laborais.

A través da nosa proposta buscamos que os escolares se conciencien das súas capacidades artísticas, participando nun proceso artesanal de principio a fin; obtendo un resultado real e atribuible a un oficio que perdurou ao longo dos anos e que segue en auxe.